The New Testament of our Lord and Saviour Jesus Christ
1. Ngā-bă-là-hǎng gâ̤ hē-dō, Duōi-pĭ gâ̤ gṳ̌ing-só̤ng, Iǎ-Sú Gí-Dŭ gâ̤ cǔ-bù gi̿ da̿u à-bíng.
2. Ngā-bă-là-hǎng sǎi Ì-să; Ì-să sǎi Ngǎ-gŏ̤; Ngǎ-gŏ̤ sǎi Iǔ-duōi iáu Iǔ-duōi gâ̤ hiáng-dī;
3. Iǔ-duōi iáu Duōi-mǎ sī sǎi Huă-là̤-sū iáu Să-là; Huă-là̤-sū sǎi Ì-sū-lě̤ng; Ì-sū-lě̤ng sǎi Ngā-lǔing;
4. Ngā-lǔing sǎi Ngā-mì-nà-duŏi; Ngā-mì-nà-duŏi sǎi Nà-sē̤ng; Nà-sē̤ng sǎi Să-mě̤ng;
5. Să-mě̤ng tǎu Lâ-hō̤ sī, sǎi Bó̤-sū; Bó̤-sū tǎu Lū-dă̤ sī, sǎi Á-bă; Á-bă sǎi Iǎ-sái;
6. Iǎ-sái sǎi Duōi-pĭ uâng; Duōi-pĭ uâng tǎu Ú-lī-ngā gâ̤ sē-mǎ sǎi Sǔ-lô̤-mô̤ng;
7. Sǔ-lô̤-mô̤ng sǎi Lô̤-bó-o̤̿ng; Lô̤-bó-o̤̿ng sǎi Ngā-bǐ-ngā; Ngā-bǐ-ngā sǎi Ngā-să;
8. Ngā-să sǎi Iŏ̤-suói-huă; Iŏ̤-suói-huă sǎi Iŏ̤-lǔing; Iŏ̤-lǔing sǎi Ú-sái-ngā;
9. Ú-sái-ngā sǎi Iŏ̤-dàng; Iŏ̤-dàng sǎi Ngā-hŏ̤-sū; Ngā-hŏ̤-sū sǎi Hí-sái-gá;
10. Hí-sái-gá sǎi Mǎ-nà-sái; Mǎ-nà-sái sǎi Ngā-mô̤ng; Ngā-mô̤ng sǎi Iŏ̤-sái-ngā;
11. Iŏ̤-sái-ngā sǎi Iǎ-gó̤-nǐ-ngā iáu Iǎ-gó̤-nǐ-ngā gâ̤ hiáng-dī; ŭ-cì-sî bă-sia̿ng búing ko̤̿ Bǎ-bǐ-lě̤ng.
12. Bă-sia̿ng búing da̿u Bǎ-bǐ-lě̤ng làu, Iǎ-gó̤-nǐ-ngā sǎi Să-là-tiĕ; Să-là-tiĕ sǎi Sǔ-lô̤-bǎ-bă;
13 Sǔ-lô̤-bǎ-bă sǎi Ngā-bǐ-ṳ̆; Ngā-bǐ-ṳ̆ sǎi Ì-lī-ngā-géng; Ì-lī-ngā-géng sǎi Ngā-sǔ;
14 Ngā-sǔ sǎi Să-dŭ; Să-dŭ sǎi Ngā-géng; Ngā-géng sǎi Ì-lṳ̆;
15 Ì-lṳ̆ sǎi Ì-lī-ngā-să; Ì-lī-ngā-să sǎi Mǎ-dàng; Mǎ-dàng sǎi Ngǎ-gŏ̤;
g Iŏ̤-să̤, nì ēng niōng giáng, cī-gǔing mǒng nà nì gâ̤ sē-mǎ Mǎ-lī-ngā tǎu lâ̤; gṳ̀ iǔ-séng sī éng-ṳē dă̤-diō̤ Se̿ng-Sěng.
21 Gṳ̀ ŏ̤ sǎi cì-ciă gṳ̌ing; nì niōng ta̿i gṳ̀ chiǔ miâng hǎng Iǎ-Sú; éng-ṳē gṳ̀ ŏ̤ giù gṳ̀ gâ̤ bă-sia̿ng pī-tiāu cò-ŏ̤.
22 Iŏ̤ng-gă̤-sĭ gâ̤ dī dú sī niōng gi̿ng-hāu Cṳ̌ tê-chîng tŏ̤ síng-dí uā-gua̿ gâ̤ dī,
23 Gō̤-uā, Hē-lǎi iǔ cì-ciă cĭ-nṳ̌ ŏ̤ iǔ-séng, sǎi gṳ̌ing, nêng ŏ̤ hǎng gṳ̀ gâ̤ miâng ca̿ Ì-mǎ-nō-lī; Ì-mǎ-nō-lī gâ̤ i̿-su̿, ciū-sī Ciōng-Di̿ iáu uòi-huo̿i-nêng cì-dó.
24 Iŏ̤-să̤ chíng-chǎng, kǐ lâ̤ ciū í-diū Cṳ̌ sǎ̤-chṳ̿ gâ̤ gáu-dō gṳ̀ gâ̤ dī, nà gṳ̀ gâ̤ sē-mǎ tǎu gua̿ mô̤ng;
26 Lâ̤-sī ēng-nǎing iáu gṳ̀ chěng-chéng dǎing gṳ̀ sǎi gṳ̌ing; ciū hǎng gṳ̀ gâ̤ miâng ca̿ Iǎ-Sú.
1 Hí-lṳ̆ ca̿ uâng gâ̤ sî-hē, Iǎ-Sú da̿u Iǔ-tuo̿i gâ̤ Bă-lī-ǎing chṳ̆-si̿, iŏ̤ng-cì-sî iǔ gǐ-ciă bŏ̤-sū giǎng dóng-bíng lâ̤ Iǎ-lū-să-lǎing.
2 Mōng uā, Ŭ cì-ciă ka̿ing chṳ̆-si̿, ca̿ Iǔ-tuo̿i nêng gâ̤ Uâng da̿u nī-di̿, éng-ṳē uòi-huo̿i-nêng da̿u dóng-bíng chū-gi̿ng gṳ̀ gâ̤ sáing-siu̿, ciū lâ̤ ba̿i gṳ̀.
3 Hí-lṳ̆ uâng tia̿ng-nī-gi̿ng, ciū huáng kǐ lâ̤, tóng Iǎ-lū-să-lǎing gâ̤ nêng iǎ dú huáng kǐ lâ̤.
4 Hí-lṳ̆ ciū hǎng duōi ci̿-sí iáu bă-sia̿ng dǐ-bíng gâ̤ nāng-sṳ́ nêng, dú giǎng-ce̿ng lâ̤, mōng gṳ̀, uā, Gí-Dŭ e̿ng-gái da̿u nī-di̿ chṳ̆-si̿?
5 Duōi-gá-nêng a̿ing uā, E̿ng-gái da̿u Iǔ-tuo̿i gâ̤ Bă-lī-ǎing chṳ̆-si̿: éng-ṳē tê-chîng iǔ ciă síng-dí gi̿-diū uā-gua̿,
6 Iǔ-tuo̿i gâ̤ Bă-lī-ǎing à, nì da̿u Iǔ-tuo̿i gâ̤ hǔ-gṳ̄ing dǐ-bíng cǒng ēng sī děng siǎu gâ̤; éng-ṳē hē-lǎi iǔ cì-ciă uǎng-di̿ ŏ̤ giǎng nì ŭ-di̿ chṳ̆ lâ̤, su̿-siōng ia̿ng-iông gâ̤, ia̿ng uòi Ì-să̤-liĕ gâ̤ bă-sia̿ng.
7 Hí-lṳ̆ ciū càng-càng-di̿ hǎng bŏ̤-sū lâ̤, cǔ-sa̿i mōng gṳ̀, ŭ sáing-siu̿ sū-mū sî-hē chṳ̆-hīng.
8 Ciū hǎng gṳ̀ ko̤̿ Bă-lī-ǎing, iáu gṳ̀ uā, Nì ko̤̿ cǔ-sa̿i cǎ ŭ gṳ̌ing-ciě, cǎ-diō̤, ciū lâ̤ iáu uòi ba̿u-se̿ng, nă uòi iǎ hǎu ko̤̿ ba̿i gṳ̀.
9 Bŏ̤-sŭ tia̿ng-nī uâng gáu-dō gṳ̀ gâ̤ dī làu, ciū ko̤̿; tê-chîng da̿u dóng-bíng chū-gi̿ng gâ̤ sáing-siu̿ sáng-bŭ-lěng-děng da̿u gṳ̀ mīng-chîng duo̿i diō̤, cì-dā̤ duo̿i da̿u gṳ̌ing-ciě gâ̤ sù-cài, ciū gṳè-diū da̿u ŭ sù-cài ciōng-bíng.
10 Bŏ̤-sū chū-gi̿ng ŭ ciă sáing-siu̿, ciū cèng ka̿u-uòi dă̤-hǎing.
11 Nì ŭ chio̤̿-di̿ chū-gi̿ng gṳ̌ing-ciě iáu gṳ̀ gâ̤ nâi, Mǎ-lī-ngā, ciū gṳ̄-diū ba̿i iŏ̤ng gṳ̌ing-ciě; mà-kṳé bǎu hō̤, nà uâng-géng, ṳ̌-hióng, mò-iò̤, iŏ̤ng gǐ-iōng gâ̤ i̿ng-sū so̿ng gṳ̀. ko̤̿ gi̿ng Hí-lṳ̆, gṳ̀ ciū giǎng biē gâ̤ diō̤ chio̤̿ ko̤̿ cù-cī gâ̤ dī-huó̤ng.
12 Bŏ̤-sū buǒi mêng-mōng Cṳ̌ háu gṳ̀ ēng niōng da̿u-tê
13 Bŏ̤-sū ko̤̿-tiāu làu, Cṳ̌ sǎ̤-chṳ̿ gâ̤ lâ̤ tŏ̤ mōng iáu Iŏ̤-să̤ uā, Kǐ lâ̤ duo̿i-diū gṳ̌ing-ciě, iáu gṳ̌ing-ciě gâ̤ nǎi cě ko̤̿ Ái-gĭ gŏ, da̿u ŭ-di̿ gṳè-diū, dǎing da̿u uòi cuo̿i háu nì; éng-ṳē Hí-lṳ̆ ŏ̤ lāu iŏ̤ng gṳ̌ing-ciě o̿ miè-tiāu gṳ̀.
14 Iŏ̤-să̤ ciū kǐ lâ̤ duo̿i-diū gṳ̌ing-ciě iáu gṳ̀ gâ̤ nǎi te̿ mâng ko̤̿ Ái-gĭ gŏ-di̿ ko̤̿.
15 Da̿u ŭ-di̿ gṳè-diū cì-bĭ-dā̤ da̿u Hí-lṳ̆ sǐ gâ̤ sî-hē; iŏ̤ng-gă̤-sĭ sī niōng gi̿ng-hāu Cṳ̌ tê-chîng tŏ̤ síng-dí uā-gua̿ gâ̤ dī, gō̤-uā, Uòi cě̤ng-chîng hǎng uòi gṳ̌ing chṳ̆ Ái-gĭ gŏ.
16 Iŏ̤ng-cì-sî Hí-lṳ̆ hiǎu-dă̤ cù-cī sī nă bŏ̤-sū pi̿ng, ciū cèng hǒ-lă, hǎng nêng ko̤̿ Bă-lī-ǎing, nà sêng-dǐ iáu gǒ̤ng-lǒ̤ng-kṳ́ing gâ̤ diōng-mǔ-gṳ̌ing-ciě, giǎng gṳ̀ cǔ-sa̿i mōng bŏ̤-sū gâ̤ sî-hē so̤̿ng kǐ, hō̤-diō̤ liòng-hṳe̿-di̿ gâ̤, cǒng-bǎ nà lâ̤ suŏi-tiāu.
17 Síng-dí Iǎ-lī-mì tê-chîng uā-gua̿ gâ̤ dī, iŏ̤ng-cì-sî iǔ gi̿ng-hāu,
18 Gṳ̀ uā, Da̿u Là-mǎ tia̿ng-nī-gi̿ng sióng-séng, tî-kŭ cháng-che̿ng gâ̤ siáng-éng, sī Là-giĕ tî gṳ̀ gâ̤ gṳ̌ing; ēng kǎing tia̿ng-nī nêng kṳ̿ing, éng-ṳē gṳ̀ gṳ̌ing dú ēng-nǎing dō̤-di̿.
19 Hí-lṳ̆ sǐ-tiāu làu, Cṳ̌ sǎ̤-chṳ̿ gâ̤ lâ̤ Ái-gĭ gŏ tŏ̤ mōng iáu Iŏ̤-să̤ uā,
20 Kǐ lâ̤ duo̿i-diū gṳ̌ing-ciě iáu gṳ̀ gâ̤ nǎi da̿u-tê ko̤̿ Ì-să̤-liĕ dī-huó̤ng; éng-ṳē ŭ ciă o̿ huōi-sǐ gṳ̌ing-ciě gâ̤ nêng sǐ-tiāu làu.
21 Iŏ̤-să̤ ciū kǐ lâ̤ duo̿i-diū gṳ̌ing-ciě iáu gṳ̀ gâ̤ nǎi, lâ̤ Ì-să̤-liĕ dī-huó̤ng.
22 Tia̿ng-nī-gi̿ng Ngā-gí-lǎu ciĕ-diū gṳ̀ dá Hí-lṳ̆ gâ̤ ṳ̄, ca̿ Iǔ-tuo̿i gâ̤ uâng, ciū giáng ko̤̿ gṳ̀ ŭ-di̿, Cṳ̌ tŏ̤ mōng háu gṳ̀, gṳ̀ ciū ko̤̿ Gá-lī-lī dī-huó̤ng.
23 Da̿u cì-ciă sêng, miâng hǎng Nà-să-là̤, ciū da̿u ŭ-di̿ gṳè-diū: iŏ̤ng-gă̤-sĭ sī niōng gi̿ng-ha̿u ŭ ciă síng-dí tê-chîng uā gua̿ gâ̤ dī, Nêng ŏ̤ hǎng gṳ̀ ca̿ Nà-să-là̤ gâ̤ nêng.
1 Ŭ-cì-sî sí sǎi-lǐ gâ̤ Iŏ̤-hu̿ing chṳ̆ lâ̤, da̿u Iǔ-tuo̿i gâ̤ ko̿ng-iǎ-di̿, gǒ̤ng-dàu,
2 Gō̤-uā, Tíng gŏ tǎu da̿u; nì niōng gǎi-ŏ̤ cě̤ng sīng.
3 Síng-dí Ì-so̿-ngā tê-chîng uā kǐ iŏ̤ng nêng gâ̤ dī gō̤-uā, Da̿u ko̿ng-iǎ iǔ nêng gâ̤ siáng-éng hǎng kǐ lâ̤ uā, Nì niōng kṳé Cṳ̌ gâ̤ diō̤, chi̿-dā̤ gṳ̀ gâ̤ diō̤.
4 Iŏ̤ng Iŏ̤-hu̿ing cē̤ng lo̤̿-dǒ̤ mâu gâ̤ í-ciông, iáu-di̿ gǎi-diū pṳê-duo̿i; iè huǎng-tông iáu súing-di̿ gâ̤ póng-tô̤ng.
5 Iŏ̤ng-cì-sî Iǎ-lū-să-lǎing, tóng Iǔ-tuo̿i, iáu Iŏ̤-dàng kái mǔing-si̿-tī gâ̤ nêng, dú chṳ̆ ko̤̿, da̿u Iŏ̤-hu̿ing ŭ-di̿,
6 Dú nēng cù-cī gâ̤ cò, da̿u Iŏ̤-dàng kái-di̿ siū Iŏ̤-hu̿ing gâ̤ sǎi-lǐ.
7 Iŏ̤-hu̿ing chū-gi̿ng cèng cāi Huă-lī-so̿ nêng iáu Să-dú-gái nêng lâ̤ siū gṳ̀ gâ̤ sǎi-lǐ, ciū iáu gṳ̀ uā, Nì iŏ̤ng dù-ṳê gâ̤ gṳ̌ing-só̤ng, sū nêng háu nì pī-tiāu hē-lǎi gâ̤ nū-ki̿?
8 Nì niōng sáng hǎu gâ̤ guǎ-ciě, biǎu-měng nì iǔ gǎi ŏ̤ cě̤ng-sīng gâ̤ séng:
9 Séng-di̿ iǎ ēng niōng gō̤-siǒng, Ngā-bă-là-hǎng sī uòi gâ̤ cǔ-cóng: uòi iáu nì uā, Ciōng-Di̿ iǔ-nǎing-ge̿ sǎ̤ iŏ̤ng duói ciō̤ ca̿ Ngā-bă-là-hǎng gâ̤ gṳ̌ing-só̤ng.
10 Giâ-gíng bŭ-tê ga̿ da̿u chiū-nè-di̿ làu: mǎu-lō̤ng sū-mū chiū lâ̤ ēng sáng hǎu gâ̤ guǎ-ciě ciū dǔ à lâ̤, diú hā hǒ-di̿.
11 Uòi sī sǎ̤ sṳ̌ iáu nì sí sǎi-lǐ, niōng nì gǎi-ŏ̤ cě̤ng-sīng: iǔ ciă piāng uòi hē lâ̤, lì-liōng gu̿ iâng-gua̿ uòi, uòi iáu gṳ̀ dé ǎi iǎ sī ēng de̤̿ng-ē̤ng: gṳ̀ ŏ̤ sǎ̤ Se̿ng-Sěng, iáu hǒ ta̿i nì sí sǎi-lǐ,
12 Gṳ̀ gâ̤ sái nà da̿u siǔ-di̿, ŏ̤ sái lâi-lī biâng-di̿ gâ̤ mà-ciě, nà mà-ciě ko̤̿ng hā chó̤ng-di̿, nà sái chṳ̆ lâ̤ gâ̤ kŭ, diú hā mài ú gâ̤ hǒ-di̿, chiáu-tiāu.
13 Ŭ-cì-sî Iǎ-Sú giǎng Gá-lī-lī da̿u Iŏ̤-dàng kái hā Iŏ̤-hu̿ing-di̿ o̿ siū gṳ̀ gâ̤ sǎi-lǐ.
14 Iŏ̤-hu̿ing táng-du̿ lûing-cǔ gṳ̀, uā, E̿ng-gái uòi niōng siū nì gâ̤ sǎi-lǐ, nì da̿u hā uòi-di̿ lâ̤?
15 Iǎ-Sú a̿ing gṳ̀ uā, Nì iŏ̤ng-cì-sî niōng a̿ing-chěng uòi; uòi-huo̿i-nêng e̿ng-gái iŏ̤ng-gă̤-sĭ í chéng-chǔ gŏ̤ iōng gâ̤ lī-gṳ́. Iŏ̤-hu̿ing ciū a̿ing-chěng gṳ̀.
16 Iǎ-Sú siū sǎi-lǐ làu, ciū giǎng sṳ̌-di̿ iòng lâ̤, tíng éng-ṳē gṳ̀ ciū kṳé-kṳé, gṳ̀ chū-gi̿ng Ciōng-Di̿ gâ̤ Sěng su̿-siōng bà-gŏ̤ à lâ̤, da̿u gṳ̀ tê-di̿:
17 Giǎng tíng ciōng iǔ siáng-éng, uā, Iŏ̤ng sī uòi děng dă̤-chiŏ̤ gâ̤ Gṳ̌ing, gṳ̀ cèng de̤̿ng uòi gâ̤ i̿.
1 Ŭ-cì-sî Se̿ng-Sěng ciū duo̿i Iǎ-Sú ko̤̿ ko̿ng-iǎ nă mǒ̤-gṳ̌ chi̿ gṳ̀.
2 Si̿-sī góng, si̿-sī mâng dú ēng-nǎing iè mî-dī, hē-mṳě ciū bŭ-gṳě.
3 Chi̿ gṳ̀ gâ̤ mǒ̤-gṳ̌ giǎng-ce̿ng lâ̤ iáu gṳ̀ uā, Nì lâ̤-sī Ciōng-Di̿ gâ̤ Gṳ̌ing, ciū gáu-dō iŏ̤ng ciō̤ niōng bi̿ng ca̿ biǎng.
4 Iǎ-Sú a̿ing uā, Se̿ng-géng gi̿-diū uā, Nêng ēng-ò̤-cǐ sī ka̿u-diū iè gâ̤ mî-dī ŏ̤ sáng, sī ka̿u-diū Ciōng-Di̿ chṳ̿-di̿ cǒng-bǎ uā gâ̤ dī.
5 Mǒ̤-gṳ̌ ciū iáu Iǎ-Sú ko̤̿ se̿ng gâ̤ géng-sêng, hǎng gṳ̀ gṳè hā dāing gâ̤ dǎing-dǎing-ciě,
6 Iáu gṳ̀ uā, Nì lâ̤-sī Ciōng-Di̿ gâ̤ Gṳ̌ing, ciū diǎu à ko̤̿, éng-ṳē se̿ng-géng gi̿-diū uā, Cṳ̌ ŏ̤ gáu-dō gṳ̀ sǎ̤-chṳ̿ gâ̤ bǎu-hū nì: gṳ̀ ŏ̤ sǎ̤ siǔ tŏ̤-diū nì, sǎng-dă̤ nì gâ̤ káu che̤̿ng hā ciō̤-di̿.
7 Iǎ-Sú uā, Se̿ng-géng ǐ gi̿-diū uā, Ēng gǒ̤ng chi̿ Cṳ̌ nì gâ̤ Ciōng-Di̿.
8 Mǒ̤-gṳ̌ ǐ iáu Iǎ-Sú iòng děng ǎu gâ̤ súing, nà tíng-à gâ̤ gŏ, iáu iŏ̤ng gŏ gâ̤ ě̤ng-iāu dú háu gṳ̀ chū.
9 Iáu gṳ̀ uā, Nì lâ̤ pŭ-diū ba̿i uòi, uòi ciū nà iŏ̤ng lǒng-cǒng gâ̤ mî-dī dú nă nì.
10 Iǎ-Sú uā, Să-dàng gua̿-kṳé ko̤̿, éng-ṳē se̿ng-géng gi̿-diū uā, Niōng ba̿i Cṳ̌ nì gâ̤ Ciōng-Di̿, cǒng-lâ̤ niōng hū-sū gṳ̀.
11 Mǒ̤-gṳ̌ ciū piĕ-tiāu Iǎ-Sú, ko̤̿-tia̿u; Cṳ̌ sǎ̤-chṳ̿ gâ̤ lâ̤ hū-sū gṳ̀.
12 Iǎ-Sú tia̿ng-nī-gi̿ng Iŏ̤-hu̿ing sū da̿u lâu-di̿, ciū pī-kṳé ko̤̿ Gá-lī-lī.
13. Chṳ̆ Nà-să-là̤, da̿u Gá-bă-nǒng gṳè-diū, iŏ̤ng Gá-bă-nǒng níng-diū huǒi, da̿u Sái-bu̿-lě̤ng, Nà-duōi-lī gă-ga̿i gâ̤ sù-cài.
14 Iŏ̤ng-gă̤-sĭ niōng gi̿ng-hāu síng-dí Ì-so̿-ngā tê-chîng uā-gua̿ gâ̤ dī,
15 Gō̤-uā, Sái-bu̿-lě̤ng, Nà-duōi-lī gâ̤ dī-huó̤ng, ciū-sī gṳ̄ing huǒi gâ̤ dī-huó̤ng, da̿u Iŏ̤-dàng ŭ-bíng kái, biē-gŏ-nêng gâ̤ Gá-lī-lī,
16 Diū da̿u ú-o̤̿ng gâ̤ bă-sia̿ng chū-gi̿ng duōi guáng làu, diū da̿u gā-lā-ú sĭ gâ̤ sù-cài gâ̤ nêng iǎ iǔ guáng chṳ̆ lâ̤ cia̿u gṳ̀.
17 Giǎng iŏ̤ng sî-hē kǐ Iǎ-Sú gǒ̤ng-dàu, uā, Tíng gŏ tǎu da̿u, nì niōng gǎi-ŏ̤ cě̤ng-sīng.
18 Iǎ-Sú dāi Gá-lī-lī huǒi-bíng-di̿ giǎng, chū-gi̿ng liōng nêng, cì-ciă sī Sái-mô̤ng, ǐ hǎng ca̿ Bǐ-dă̤, iáu gṳ̀ hiáng-dī Úing-dă̤-liĕ, da̿u huǒi-di̿ suŏi mòng; éng-ṳē gṳ̀ sī nà-ngṳ̂ gâ̤ nêng.
19 Iǎ-Sú iáu gṳ̀ uā, Lâ̤ gáing uòi; uòi ciū ŏ̤ háu nì dă̤-diō̤ nêng su̿-siōng nà ngṳ̂ ĭ-búing.
20 Gṳ̀ liōng nêng dāi-diū ciū diú-tiāu mòng, gáing Iǎ-Sú ko̤̿.
21 Giǎng ŭ-di̿ cuo̿i iòng ko̤̿ mī-cie̿ ǐ chū-gi̿ng liōng nêng, ciū-sī Sái-bǐ-tuo̿i gâ̤ gṳ̌ing, Ngǎ-gŏ̤, gìng gṳ̀ hiáng-dī Iŏ̤-hu̿ing, iáu gṳ̀ dá Sái-bǐ-tuo̿i câi da̿u ṳ̌ing-di̿ biǒ̤ mòng, Iǎ-Sú hǎng gṳ̀ lâ̤.
22 Gṳ̀ liōng nêng ciū à ṳ̌ing piĕ-tiāu dá, gáing Iǎ-Sú ko̤̿.
23 Iǎ-Sú ko̤̿ Gá-lī-lī mǔing-si̿-tī, da̿u gŏ̤ sù-cài gâ̤ lǐ-ba̿i-dǒ̤ng háu nêng, gǒ̤ng tíng gŏ gâ̤ hǎu se̿ng-sĭ, í bă-sia̿ng gŏ̤ iōng gâ̤ bāng.
24 Iǎ-Sú gâ̤ miâng-siáng dṳ̌ing da̿u tóng Sṳ̄-lī-ngā dī-huó̤ng: ŭ-di̿ gâ̤ nêng iáu-diū gŏ̤ iōng bāng iáu kǔ-chǔ gâ̤ nêng, nă gṳ̌ mî-diū gâ̤, buǒi kṳ̌-ma̿-hêng, bāng-hóng gâ̤, dú iáu hā Iǎ-Sú mīng-chîng-di̿ lâ̤; Iǎ-Sú ciū ta̿i gṳ̀ í hǎu.
25 Iǔ cèng cāi nêng giǎng Gá-lī-lī, Dǐ-gá-bó̤-lī, Iǎ-lū-să-lǎing, Iǔ-tuo̿i, Iŏ̤-dàng ŭ-bíng kái, lâ̤ gáing Iǎ-Sú.
5:1. Iǎ-sú chū-gi̿ng iŏ̤ng cèng cāi nêng, ciū ióng súing : cō-diū làu, hǎ-sáing dú hā gṳ̀-di̿ lâ̤:
5:2. Iǎ-sú kṳé chṳ̿ háu gṳ̀, uā
5:3. Séng-dǐ kéng-hṳ́ gâ̤ nêng sī iǔ hǔ-ki̿; éng-ṳē tíng gǒ sī gṳ̀ gâ̤ gŏ̤.
5:4. Sióng-séng gâ̤ nêng sī iǔ hǔ-ki̿: éng-ṳē cǒng ŏ̤ kúing gṳ̀ gâ̤ séng.
5:5. Uǎ-ki̿ gâ̤ nêng sī iǔ hǔ-ki̿: gṳ̀ ŏ̤ dǎ̤-diō̤ si̿-ga̿i ca̿ sú-ngiè.
5:6. Cèng siǒng ngī gâ̤ dī su̿-siōng bǔ-gṳě, su̿-siōng chṳ̿-diǎu, iŏ̤ng gâ̤ nêng sī iǔ hǔ-ki̿ : éng-ṳē gṳ̀ cǒng ŏ̤ bǎu.
5:7. Ta̿i nêng kŏ̤-lǐng, iŏ̤ng gâ̤ nêng sī iǔ hǔ-ki̿ : éng-ṳē cǒng ŏ̤ kŏ̤-lǐng gṳ̀.
5:8. Séng-dǐ chéng-giě gâ̤ nêng sī iǔ hǔ-ki̿ : éng-ṳē gṳ̀ ŏ̤ gi̿ng-dǎ̤ ciōng-di̿ diō̤.
5:9. Ca̿ uǎ-sǐ gâ̤ nêng sī iǔ hǔ-ki̿ : éng-ṳē ŏ̤ hǎng gṳ̀ ca̿ Ciōng-di̿ gâ̤ gṳ̆ing.
5:10. Éng-ṳē ngī gâ̤ dī nǎ nêng huōi, iŏ̤ng gâ̤ nêng sī iǔ hǔ-ki̿ : éng-ṳē tíng gǒ sī gṳ̀ gâ̤ gǒ.
5:11. Nêng lâ̤ éng-ṳē uòi diě nì, bǐ-là̤ nì, cù-càu gŏ̤ iōng gâ̤ làing dī lūing-uā nì, nì sī iǔ hǔ-ki̿.
5:12. Niōng ka̿u-uòi, lŏ̤ dǎ̤-hǎing : éng-ṳē tíng ciōng siǒng nì gâ̤ dī sī duōi gâ̤ : ṳ̆ piāng nì gu̿ sáing gâ̤ síng-dí iǎ sī iŏ̤ng-gǎ̤-sǐ nǎ nêng bǐ-là̤.
5:13. Nì sī si̿-gáing gâ̤ îng : îng lâ̤ mǎu mī-dàu tiāu, nī-di̿ gu̿ ŏ̤ gěng nī? hē-mṳě mǎu-sǎ̤, lâ̤ hǎu diú da̿u ngṳē-bíng, nǎ nêng nŏ̤-tiāu.
5:14. Nì sī si̿-gáing gâ̤ guáng. sêng kṳé da̿u súing ciōng cǒng mài ko̤̿ng-dǎ̤-diū.
5:15. Nêng bo̿ng dáing, iǎ ēng sī ga̿ da̿u mì-dě à, dú sī ga̿ da̿u dáing-dǒ ciōng-bíng-di̿, ciū cia̿u-dǎ̤ cì chio̤̿ gâ̤ nêng.
5:16. Iŏ̤ng-gǎ̤-sǐ iǎ niōng nà nì gâ̤ guáng cia̿u da̿u nêng mīng-chîng, nǎ gṳ̀ chū-gi̿ng nì ciáng gâ̤ ǎing-gēng, ciū gṳ́ ĕ̤ng-iāu nǎ nì tíng ciōng gâ̤ Dá
5:17. Ēng niōng siǒng uòi lâ̤, sī niōng miè-tiāu lṳ̆-huǎ iáu síng-dí gâ̤ sṳ́ : uòi lâ̤, ēng sī niōng miè-tiāu iŏ̤ng sṳ́, sī niōng iŏ̤ng sṳ́ iǔ gi̿ng-hāu.
5:18. Uòi ì-cài iáu nì uā, tíng dī gu̿ ēng-nǎing sáing hi̿-tiāu, lṳ̆-huǎ cì dǎng cì uà cǒng mài hi̿-tiāu, dú ŏ̤ gi̿ng-hāu.
5:19. Iŏ̤ng gáu-dō nêng gâ̤ di̿, lâ̤ iǔ nêng nà cì-iōng děng siǎu gâ̤ do̤̿ng mǎu iàu-gěng tiāu, ǐ iŏ̤ng-gǎ̤-sǐ háu nêng, da̿u tíng gǒ ŏ̤ hǎng gṳ̀ ca̿ děng siǎu gâ̤ : lâ̤ iǔ nêng í-diū iŏ̤ng gáu-dō gâ̤ dī ǐ iŏ̤ng-gǎ̤-sǐ háu nêng, da̿u tíng gǒ ŏ̤ hǎng gṳ̀ ca̿ duōi gâ̤.
5:20. Uòi iáu nì uā, nì ngī gâ̤ ǎing-gēng lâ̤ mài iâng-gua̿ nāng-sṳ́ nêng, iáu Huǎ-lī-so̿ nêng ngī gâ̤ ǎing-gēng, nì cǒng mài nì tíng gǒ.
5:21. nì tia̿ng-nī-gi̿ng iǔ gáu-dō gǔ-sî-hē nêng gâ̤ dī, gō̤-uā, ēng gŏ̤ng huōi-sǐ nêng: huōi-sǐ nêng gâ̤ mài mǐng-tiāu bāing-cò.
5:22. Lâ̤-sī uòi iáu nì uā, lâ̤ iǔ nêng hǒ-lǎ hiáng-dī, iǎ mài mǐng-tiāu bāing-cò, lâ̤ iǔ-nêng mā hiáng-dī, iǎ kiáng gǒ-tê, mài mǐng-tiāu nǎ nêng so̿ng da̿u gúing-dŏ̤ng, mā hiáng-dī háng pó, mài mǐng-tiāu dī-ngṳ̀ gâ̤ hǒ.
5:23. Gu̿-chu̿ nì da̿u ci̿-dǔing hṳ̿ing mî-dī, séng-di̿ gi̿ kǐ lâ̤ hiáng-dī iáu nì iǔ iǔ-ki̿.
5:24. Ciū nà nì gâ̤ mî-dī ga̿ hā dǔing mīng-chîng, sáing ko̤̿ iáu hiáng-dī uǎ-tiāu, hē-mṳě cuo̿i lâ̤ hṳ̿ing nì gâ̤ mî-dī.
5:25. Iǔ nêng niōng ga̿u nì, gu̿ da̿u diō̤-di̿ iáu nì câi giǎng, nì niōng kṳe̿-kṳe̿ iáu gṳ̀ uǎ-tiāu : giáng gṳ̀ nà nì so̿ng gúing, gúing nà nì gáu nǎ chái-ià, ciū nà nì sū da̿u lâu-di̿.
5:26. Uòi ì-cài iáu nì uā, nì cì ǎu cì lî gu̿ ēng-nǎing hi̿ng chéng-chǔ, cǒng ēng bo̿ng nì chṳ̆ lâ̤.
5:27. Nì tia̿ng-nī-gi̿ng iǔ nêng uā-guā, ēng gŏ̤ng tóng-gáing.
5:28. Lâ̤-sī uòi iáu nì uā,iǔ nêng chū-gi̿ng á-niông-nêng, séng-dǐ ciū táng-du̿ iŏ̤ng á-niông-nêng, séng-dǐ ciū so̤̿ng iáu gṳ̀ tóng-gáing làu.
5:29. Lâ̤-sī iū-bíng mì-ciú huōi nì iǔ gua̿-ngāi gâ̤ dī, ciū niōng lé chṳ̆ lâ̤, diú-tiāu : nì ngù-gúing miè-tiāu cì-iōng gu̿ iǔ ǐ nì, sǎng-dǎ̤ nà nì tóng séng diú hā dī-ngṳ̀-di̿.
5:30. Lâ̤-sī iū-siǔ huōi nì iǔ gua̿-ngāi gâ̤ dī, ciū niōng dǔ à lâ̤, diú-tiāu : nì siǔ miè-tiāu cì-ciǎ gu̿ iǔ ǐ nì, sǎng-dǎ̤ nà nì tóng séng diú hā dī-ngṳ̀-di̿.
5:31. Gu̿ iǔ dī uā, nêng lâ̤ chṳ̆-tiāu sē-mǎ, niōng siǎ chṳ̆-tiāu sē-mǎ gâ̤ cī nǎ gṳ̀.
5:32. Lâ̤-sī uòi iáu nì uā, ēng-sī éng-ṳē tóng-gáing gâ̤ dī chṳ̆-tiāu sē-mǎ, ciū-sī huōi gṳ̀ te̿ng nêng, nêng lâ̤ tǎu ǔ ciǎ chṳ̆-tiāu gâ̤ á-niông-nêng iǎ sī tóng-gáing.
5:33. Nì ǐ tia̿ng-nī-gi̿ng iǔ gáu-dō gǔ-sî-hē nêng gâ̤ dī, gō̤-uā, Ciu̿-chṳ̿ ēng gŏ̤ng huǎing-séng, da̿u Ciōng-di̿ mīng-chîng ciu̿-gua̿-chṳ̿ gâ̤ dī cǒng niōng.
5:34. Lâ̤-sī uòi nì uā, dú ēng gŏ̤ng ciu̿-chṳ̿, ēng gŏ̤ng nà tíng lâ̤ ciu̿-chṳ̿, éng-ṳē tíng sī Ciōng-di̿ cō gâ̤ ṳ̿.
5:35. Iǎ ēng gŏ̤ng nà si̿-gáing lâ̤ ciu̿-chṳ̿, éng-ṳē si̿-gáing sī Ciōng-di̿ gâ̤ káu-dā; iǎ ēng gŏ̤ng nà Iǎ-lū-sǎ-lǎing lâ̤ ciu̿-chṳ̿, Iǎ-lū-sǎ-lǎing sī duōi uǎng-di̿ gâ̤ géng-sêng.
5:36. Iǎ ēng gŏ̤ng nà nì gâ̤ tê lâ̤ ciu̿-chṳ̿, éng-ṳē nì mǎu-nǎing-ge̿ nà nì cì-ǎng tê-mâu bi̿ng ú bi̿ng bā.
5:37. Nì uā dī, Sī, ciū uā sī; Ēng sī, ciū uā ēng sī; lâ̤ cuo̿i gá uā ciū-sī giǎng ǔ ciǎ ŏ̤ gṳ̆-di̿ lâ̤.
5:38. Nì tia̿ng-nī-gi̿ng iǔ nêng uā-gua̿, Mì-ciú niōng bô mì-ciú, ngâ-chǐ niōng bô ngâ-chǐ.
5:39. Lâ̤-sī uòi iáu nì uā, ēng niōng iáu ŏ̤ nêng ca̿ do̿-tê : iǔ nêng mà nì iū-bíng mīng-gǎi, lîng cŏ̤-bíng gâ̤ mīng-gǎi iǎ chiá gua̿ lâ̤ hio̿ng nǎ gṳ̀.
5:40. Iǔ nêng siǒng ga̿u nì, nà ko̤̿ nì séng-dǐ gâ̤ í-ciông, lîng séng-ngṳē gâ̤ í-ciông iǎ běng gṳ̀ nà ko̤̿.
5:41. Iǔ nêng gáng nì duo̿i gṳ̀ giǎng cì lǐ diō̤, nì ciū duo̿i ēng giǎng liòng lǐ.
5:42. Iǔ mōng nì tǎu gâ̤, ciū nǎ gṳ̀ : iǔ iáu nì ciŏ̤ gâ̤ ēng gŏ̤ng cǔ gṳ̀.
5:43. Nì tia̿ng-nī-gi̿ng iǔ nêng uā-guā, nêng iáu nì gŏ̤-dǎ̤-diō̤, ciū o̿ gṳ̀, nêng iáu nì ca̿ do̿-tê, ciū hāing gṳ̀.
5:44. Lâ̤-sī uòi iáu nì uā, nêng iáu nì ca̿ do̿-tê, ciū niōng o̿ gṳ̀, nêng huōi nì, ciū niōng ta̿i gṳ̀ gǐ-dǎu.
5:45. Iŏ̤ng-gǎ̤-sǐ ciū ŏ̤ ca̿ nì tíng ciōng gâ̤ Dá gâ̤ gṳ̆ing : éng-ṳē gṳ̀ hǎng mì-tê chṳ̆ lâ̤ cia̿u làing gâ̤ nêng iǎ cia̿u hǎu gâ̤ nêng, lò̤ hṳ̿ nǎ ngī-nêng iǎ nǎ bǔ-ngī gâ̤ nêng.
5:46. Nì lâ̤ o̿ ǔ ciǎ o̿ nì gâ̤ nêng, iǔ sū-mū dī siǒng nì nī? siú-sṳe̿ gâ̤ nêng iǎ sī iŏ̤ng-gǎ̤-sǐ ca̿.
5:47. Nì guáng-guáng iáu hiáng-dī chiǎng-úing, iǔ sū-mū dī iâng-gua̿ biē-nêng ni? siú-sṳe̿ gâ̤ nêng iǎ sī iŏ̤ng-gǎ̤-sǐ ca̿.
5:48. Gu̿-chu̿ nì niōng sí-huó̤ng hǎu, su̿-siōng nì tíng ciōng gâ̤ Dá sí-huó̤ng hǎu ǐ-búing.
1 Nì niōng siǎu-séng ēng gǒ̤ng hā nêng mīng-chîng ca̿ nì gâ̤ ciáng dī, cì-ge̿ng-ge̿ng nă nêng chū, lâ̤-sī iŏ̤ng-gă̤-sĭ ca̿, nì tíng ciōng gâ̤ Dá ciū mǎu mî-dī siǒng nì.
2 Gu̿-chu̿ nì siǎ nă nêng gâ̤ sî-hē, ēng gǒ̤ng chṳé hāu-dông da̿u nì mīng-chîng, su̿-siōng ŭ gǎ-hǎu gâ̤ nêng; gṳ̀ hā lǐ-ba̿i-dǒ̤ng iáu gái-diō̤-di̿ iŏ̤ng-gă̤-sĭ ca̿, o̿ nêng uā gṳ̀ hǎu; Uòi ì-cài iáu nì uā, Siǒng gṳ̀ gâ̤ dī gṳ̀ dă̤-diō̤ làu.
3 Nì siǎ nă nêng gâ̤ sî-hē, iū-siǔ ca̿ gâ̤ dī, ēng niōng nă cǒ̤-siǔ dă̤-dí.
4 Iŏ̤ng-gă̤-sĭ nì siǎ nă nêng gâ̤ dī ciū ŏ̤ mà̤-să̤: nì Dá chū mà̤-să̤ gâ̤ dī ŏ̤ ba̿u-e̿ng nì.
5. Nì gǐ-dǎu gâ̤ sî-hē, ēng gǒ̤ng ò̤ ŭ gǎ-hǎu gâ̤ nêng: éng-ṳē gṳ̀ cèng o̿ gṳè hā lǐ-ba̿i-dǒ̤ng, iáu sí-cī gái-tê gǐ-dǎu, cì-ge̿ng-ge̿ng nă nêng chū, Uòi ì-cài iáu nì uā, Siŏng gṳ̀ gâ̤ dī gṳ̀ dă̤-diō̤ làu.
6 Nì gǐ-dǎu gâ̤ sî-hē, niōng ko̤̿ bǒng-gáing, mô̤ng gṳ́ing-diū, giǔ nì da̿u mà̤-să̤ sù-cài gâ̤ Dá, nì gâ̤ Dá chū mà̤-să̤ gâ̤ dī, gṳ̀ cǒng ŏ̤ ba̿u-e̿ng nì.
7 Nì gǐ-dǎu, ēng gǒ̤ng su̿-siōng biē-gŏ-nêng uā cèng cāi sṳ̿-táu gâ̤ dī, gṳ̀ siǒng dī uā-dă̤ cāi cǒng ŏ̤ tia̿ng-nī gṳ̀.
8 Nì ēng gǒ̤ng ò̤ gṳ̀; éng-ṳē gu̿ ēng-nǎing giǔ, nì niōng sǎ̤ gâ̤ mî-dī nì Dá sáing dă̤-dí làu.
9 Gu̿-chu̿ nì gǐ-dǎu niōng iŏ̤ng-gă̤-sĭ uā,
Uòi-gŏ̤-nêng gâ̤ Dá da̿u tíng ciōng,
Ngṳ̿ing nì gâ̤ miâng nă nêng có̤ng ca̿ se̿ng,
10 Ngṳ̿ing nì gâ̤ gŏ ŏ̤ da̿u. Ngṳ̿ing nì gâ̤ séng-i̿ ca̿-chěng da̿u si̿-gáing, su̿-siōng da̿u tíng ciōng ca̿-chěng ĭ-búing.
11 Uòi-gŏ̤-nêng nì-nì gâ̤ liông-chǎu géng-diáu nă uòi.
12 Mǐng-tiāu uòi-gŏ̤-nêng ki̿ng gâ̤ ca̿i, su̿-siōng uòi iǎ mǐng-tiāu nêng ki̿ng uòi gâ̤ ca̿i ĭ-búing.
13 Ēng niōng nă uòi-gŏ̤-nêng pōng-diō̤ chi̿ uòi gâ̤ dī, niōng giù uòi pī-tiāu ŭ ciă ŏ̤ gṳ̌: Éng-ṳē gŏ lò̤, gṳ̌ing-ba̿ng, ě̤ng-iāu, dú sī nì gâ̤, cì-dā̤ da̿u diǎu-diǎu dō-dō. Chěng séng sù ngṳ̄ing.
14 Nì lâ̤ niâu nêng gâ̤ gua̿-sĭ, nì tíng ciōng gâ̤ Dá iǎ ŏ̤ niâu nì.
15 Nì lâ̤ ēng niâu nêng gâ̤ gua̿-sĭ, nì tíng ciōng gâ̤ Dá iǎ ēng niâu nì gâ̤ gua̿-sĭ.
16 Nì ge̿ng-diū ēng iè gâ̤ sî-hē, ēng gǒ̤ng ò̤ ŭ gǎ-hǎu gâ̤ nêng: gṳ̀ mīng-să̤ cèng ki̿, mīng-gǎi bi̿ng-dă̤ cèng giáng nêng, cì-ge̿ng-ge̿ng o̿ nà gṳ̀ ge̿ng-diū ēng iè hīng nă nêng chū. Uòi ì-cài iáu nì uā, Siǒng gṳ̀ gâ̤ dī gṳ̀ dă̤-diō̤ làu.
17 Nì ge̿ng-diū ēng iè gâ̤ sî-hē, ga̿ing niōng sú tê sǎi mīng;
18 Iŏ̤ng-gă̤-sĭ sǎng-dă̤ nà nì ge̿ng-diū ēng iè hīng nă nêng chū, lâ̤ hīng nă nì Dá da̿u mà̤-să̤ gâ̤ sù-cài chū; nì Dá chū mà̤-să̤ gâ̤ dī, cǒng ŏ̤ ba̿u-e̿ng nì.
19 Ēng niōng ko̤̿ng-diū ngê̤ng-cîng da̿u si̿-gáing, si̿-gáing iǔ cṳ̿-tông ŏ̤ cṳ̿, iǎ ŏ̤ sáng-siu̿, ǐ iǔ chā̤ mà-dōng lâ̤ té:
20 Lâ̤ niōng ko̤̿ng diū ngê̤ng-cîng da̿u tíng ciōng, tíng ciōng mǎu cṳ̿-tông, iǎ mài sáng-siu̿, ǐ mǎu chā̤ mà-dōng lâ̤ té:
21 Éng-ṳē nì ngê̤ng-cîng da̿u nī-di̿, nì gâ̤ séng iǎ ŏ̤ da̿u nī-di̿.
22 Séng-di̿ gâ̤ dáing ciū-sī mì-ciú; gu̿-chu̿ nì mì-ciú lâ̤ měng-liōng, tóng séng dú sī guáng.
23 Mì-ciú lâ̤ mà-mū, tóng séng dú sī ú-o̤̿ng. Nì séng-dǐ gâ̤ guáng lâ̤ ú-o̤̿ng-tiāu, iŏ̤ng ú-o̤̿ng dú ēng dă̤-dí iǔ gǐ-duói.
24 Cì-ciă nêng mǎu-nǎing-ge̿ hū-sū liòng-ciă cṳ̌: mǎu-lō̤ng nǔ iŏ̤ng cì-ciă, o̿ ŭ cì-ciă; mǎu-lō̤ng chū-dōng iŏ̤ng cì-ciă, chū-kiáng ŭ cì ciă. Nì mǎu-nǎing-ge̿ ǐ hū-sū Ciōng-Di̿, ǐ hū-sū ngê̤ng-cîng.
25 Gu̿-chu̿ uòi iáu nì uā, Ēng niōng ta̿i sáng-miāng huáng-iě, iè sū-mū dī, chṳĕ sū-mū dī, iǎ ēng niōng ta̿i séng-tǐ huáng-iě, cē̤ng sū-mū-dī. Sáng-miāng cǒng piāng iè-sī ga̿ing iàu-gěng, séng-tǐ cǒng piāng í-ciông ga̿ing iàu-gěng.
26 Nì chū bu̿ing-tíng gâ̤ ciā-ciě, iǎ ēng niōng cá̤-ce̤̿ng, iǎ ēng niōng cāi-cǎu, iǎ ēng niōng nà mî-dī ko̤̿ng hā chó̤ng-di̿; nì tíng ciōng gâ̤ Dá dú iǔ-dă̤ nă gṳ̀ iè. Nì cǒng piāng ciā-ciě ga̿ing dì-cîng dă̤ cāi.
27 Nì dǐ-bíng sū nêng éng-ṳē huáng-iě iǔ nǎing-ge̿ nà séng-tǐ gá ǎu cì chiŏ̤ kǐ lâ̤?
28 Nì ca̿-sū-dī éng-ṳē í-ciông huáng-iě nī? Nì siǒng siǒng hā, súing-di̿ gâ̤ bă-hō̤-huá, gōng-ciōng ŏ̤ duōi kǐ lâ̤, iŏ̤ng huá iǎ ēng niōng lṳ̄, iǎ ēng niōng cĭ-bio̤̿.v
29 Lâ̤-sī uòi iáu nì uā, Ciū-sī Sǔ-lô̤-mô̤ng iǔ duōi ě̤ng-iāu gâ̤ sî-hē, gṳ̀ có̤ng-sŭ gu̿ mǎu iŏ̤ng huá hǎu chū.
30 Iŏ̤ng súing-di̿ gâ̤ chǎu, géng-diáu dō̤-di̿, mêng-diáu ciū diú hā hǒ-di̿, Ciōng Di̿ gu̿ nă gṳ̀ có̤ng-dă̤ ŭ ngǎ-sĭ, iŏ̤ng mài chéng se̿ng gâ̤ nêng, Ciōng-Di̿ ga̿ing ŏ̤ nà í-ciông nă nì cē̤ng.
31 Gu̿-chu̿ ēng niōng huáng-iě, gō̤-uā, Iè sū-mū dī? Chṳĕ sū-mū dī? Cē̤ng sū-mū dī?
32 Éng-ṳē iŏ̤ng dú sī biē-gŏ-nêng séng-di̿ hio̿ng gâ̤ dī, nì niōng sǎ̤ iŏ̤ng duói mî-dī, nì tíng ciōng gâ̤ Dá dú dă̤-dí làu.
33 Nì séng-di̿ niōng sáing hio̿ng Ciōng-Di̿ gâ̤ gŏ, iáu gṳ̀ ngī gâ̤ dī; iŏ̤ng duói mî-dī ciū ŏ̤ lēng-ngṳē tíng nì.
34 Gu̿-chu̿ nì ēng niōng ta̿i mêng-diáu huáng-iě: mêng-diáu ŏ̤ ta̿i cù-cī huáng-iě. Cì góng iǔ cì góng gâ̤ kǔ, ciū kāu-lāu.
1 Nì ēng niōng uā nêng iǔ cho̤̿, sǎng-dă̤ nêng iǎ uā nì iǔ cho̤̿.
2 Éng-ṳē nì gōng-ciōng gă̤-sĭ uā nêng iǔ cho̤̿, nêng iǎ gōng-ciōng gă̤-sĭ uā nì iǔ cho̤̿: nì nà sū-mū gǒ̤ng-dě liông nă nêng, nêng iǎ ŏ̤ nà sū-mū gǒ̤ng-dě liông nă nì.
3 Nì hiáng-dī mì-ciú-di̿ gâ̤ chi̿, nì chū-dă̤-gi̿ng, nì cù-cī mì-ciú-di̿ gâ̤ châu, da̿u ēng gă-gi̿ng, iŏ̤ng sī gōng-ciōng uā nī?
4 Nì cù-cī mì-ciú-di̿ iǔ châu, gōng-ciōng ŏ̤ iáu hiáng-dī uā, Nì mì-ciú gâ̤ chi̿ nă uòi ta̿i nì bí-tiāu,
5 Gǎ-hǎu gâ̤ nêng à, nì sáing niōng bí-tiāu cù-cī mì-ciú gâ̤ châu; ciū ŏ̤ chū-dă̤ chéng-chǔ bí-tiāu nì hiáng-dī mì-ciú gâ̤ chi̿.
6 Eng niōng nà chéng-giĕ gâ̤ mî-dī diú nă ě, iǎ ēng niōng nà nì gâ̤ céng-cṳ́ diú nă kṳ̌, giáng-pa̿ kṳ̌ ŏ̤ nŏ̤-tiāu céng-cṳ́, ě ŏ̤ chiá-dṳ̌ing-séng gàu nì.
7 Giǔ, ciū ŏ̤ nă nì: lāu, ciū ŏ̤ lāu-diō̤: mà mô̤ng, ciū ŏ̤ ta̿i nì kṳé mô̤ng.
8 Éng-ṳē mǎu-lō̤ng sū nêng giǔ, ciū dă̤-diō̤; lāu, ciū lāu-diō̤; mà mô̤ng, ciū ta̿i gṳ̀ kṳé mô̤ng.
9 Nì dǐ-bíng sū nêng iǔ gṳ̌ing tǎu biǎng, nī-d1 kǎing uà ciō̤ nǎ gṳ̀?
10 Tǎu ngṳ̂. nī-dī kǎing nà ṳê nǎ gṳ̀?
11 Nì-huōi-nêng mǒng làing, gū dǎ̤-dí nà hǎu gâ̤ mī-dī nǎ gṳ̌ing, iǒ̤ng-gǎ̤-sǐ nì gâ̤ Dá da̿u tíng-ciōng ga̿ing ŏ̤ nà hǎu gâ̤ mî-dī nǎ giǔ gṳ̀ gâ̤ nêng.
12 Gu̿-chu̿ nì mǎu-lō̤ng sū dī ō nêng gōng-ciōng gǎ̤-sǐ duòi nì, nì iǎ niōng gōng-ciōng gǎ̤-sǐ duòi nêng: éng-ṳē lṳ̄-huǎ, iáu síng-dí gâ̤ sṳ́ iǒ̤ng-gǎ̤-sǐ uā.
13 Nì niōng nì bǎ gâ̤ mô̤ng; éng-ṳē ko̤̿ sǐ gâ̤ sù-cài, mô̤ng sī kuǒi gâ̤, diō̤ sī duōi gâ̤, ǐ iǔ cèng cāi nêng giǎng iǒ̤ng-di̿ di̿ ko̤̿.
14 Ko̤̿ sáng gâ̤ sù-cài, mô̤ng sī bǎ gâ̤, diō̤ sī siǎu gâ̤, ǐ mǎu gǐ-duói nêng lāu-dǎ̤-diō̤.
15 Nì niōng bǒ̤ng-bī gǎ gâ̤ síng-dí, gṳ̀ bā nì iǒ̤ng-di̿ lâ̤, ngṳē-bīng su-siōng mîng-iông, dǐ-bíng ì-cài sī cǎi-lǒ̤ng.
16 Nì chū gṳ̀ sáng gâ̤ guǎ-ciě, ciū ŏ̤ dǎ̤-dí gṳ̀. Iǔ chi̿ gâ̤ chǎu-di̿, nī-di̿ iǔ bǔ-dǎu tǎu nī?
17 Iǒ̤ng-gǎ̤-sǐ hǎu gâ̤ chiū sáng hǎu gâ̤ guǎ-ciě, làing gâ̤ chiū sáng làing gâ̤ guǎ-ciě,
18 Hǎu gâ̤ chiū mài sáng làing gâ̤ guǎ-ciě, làing gâ̤ chiū mài sáng hǎu gâ̤ guǎ-ciě.
19 Mǎu-lō̤ng sū-mū chiū mài sáng hǎu gâ̤ guǎ-ciě, ciū dǔ à lâ̤, diú hā hǒ-di̿.
20 Gu̿-chu̿ nì chu̿ gṳ̀-huo̿i-nêng sáng gâ̤ guǎ-ciě, ciū ŏ̤ dǎ̤-dí gṳ̀.
21 mǎu-lō̤ng sī nêng bǎng uòi uā, Cṳ̌ à, Cṳ̌ à, iǒ̤ng gâ̤ nêng mǎu ǐ-diāng dú ŏ̤ nì tíng-gǒ; cǒng-lâ̤ í uòi tíng ciōng gâ̤ Dá gâ̤ séng-i̿ ko̤̿ ca̿, iō̤ng nêng ciū ŏ̤ di̿ ko̤̿.
22 Da̿u ǔ nì-ciě, iǔ cèng cāi nêng ŏ̤ iáu uòi uā, Cṳ̌ à, Cṳ̌ à, uòi ǎing-sî dú sī ka̿u nì gâ̤ miâng háu nêng, ka̿u nì gâ̤ miâng dāi-tiāu gṳ̌, ka̿u nì gâ̤ miâng ca̿ cèng cāi cǒ-nǎing gâ̤ dī.
23 Uòi ciū dā̤ iáu gṳ̀ uā, Uòi dú ēng dǎ̤-dí nì, nì iǒ̤ng duói ca̿-ŏ̤ gâ̤ nêng dú ēng niōng hā uòi iǒ̤ng-di̿.
24 Gu̿-chu̿ mǎu-lō̤ng sū-mū nêng tia̿ng-nī uòi uā gâ̤ dī, ciū ko̤̿ ca̿, iǒ̤ng nêng bǐ-piāng cì-ciă chóng-měng ha nêng, da̿i ciō̤-ngâng ciōng-bíng-di̿ kṳé chio̤̿.
25 Pōng-diō̤ hóng chṳé, hṳ̄ ǔ, sṳ̌ ce̿ng; dú mài diàng-tiāu: éng-ṳē dī-gí da̿u ciō̤-ngâng ciōng-bíng.
26 Mǎu-lō̤ng sū-mū nêng tia̿ng-nī uòi uā gâ̤ dī, ēng ko̤̿ ca̿, iǒ̤ng nêng bǐ-piāng cì-ciă háng gâ̤ nêng, da̿u suói ciōng-bíng-di̿ kṳé chio̤̿.
27 Pōng-diō̤ hóng chṳé, hṳ̄ ǔ, sṳ̌ ce̿ng; iǒ̤ng chio̤̿ ciū diàng-tiāu: hǎing diàng-dǎ̤ gua̿-dǎ̤-kia̿u.
28 Iǎ-Sú iǒ̤ng duói dī uā làu, ǔ cèng cāi nêng siǒng gṳ̀ háu gâ̤ dī cèng gǐ-guo̿i.
29 éng-ṳē gṳ̀ háu nêng su̿-siōng iǔ gṳ̌ing-ba̿ng gâ̤ nêng, mài su̿-siōng gṳ̀ dǐ-bíng gâ̤ nāng-sṳ́ nêng.
1 Iǎ-Sú à súing làu, iǔ cèng cāi nêng gáing gṳ̀.
2 iǔ cì-ciă bāng-tuǒi gâ̤ nêng lâ̤ ba̿i gṳ̀, uā, Cṳ̌, nì lâ̤ kǎing, ciū iǔ-nǎing-ge̿ nà uòi lōng lâi-lī.
3 Iǎ-Sú sṳ́ing siǔ, mó̤ gṳ̀, uā, Uòi kǎing, nì niōng bi̿ng lâi-lī kǐ lâ̤. Gṳ̀ gâ̤ tuǒi dāi-diū ciū lâi-lī tiāu.
4. Iǎ-Sú iáu gṳ̀ uā. Nì niōng siǎu-séng, iǒ̤ng dī ēng gǒ̤ng iáu nêng uā; niōng ko̤̿ nǎ ci̿-sí chū nì gâ̤ séng-tǐ, hṳ̿ing Mǒ̤-sái gáu-dō nêng hṳ̿ing gâ̤ mî-dī ca̿ běng-gṳ̀ nǎ duōi-gá-nêng chū.
5 Iǎ-Sú nì Gá-bǎ-nǒng sêng-dǐ làu, iǔ cì-ciă Bǎ-cǒng lâ̤ giǔ gṳ̀.
6 Uā, Cṳ̌ à, uòi gâ̤ nû-gě bāng-hóng dǎu da̿u chio̤̿-di̿, cèng cī, kǔ-chǔ dǎ̤-hǎing.
7. Iǎ-Sú ciū uā, Uòi giâ ko̤̿ í gṳ̀.
8. Bǎ-cǒng a̿ing gṳ̀ uā, Cṳ̌ à, nì da̿u nòi chio̤̿-di̿ uòi ēng gǒ̤ng dó̤ng, lâ̤ giǔ nì uā cì gṳ̄ dī, uòi gâ̤ nû-gě ciū ŏ̤ hǎu-tiāu.
9. éng-ṳē uòi iǎ sī hū nêng gǔing, miâng à gōng iǔ
béng-dáing hū uòi gǔing, uòi hǎng iǒ̤ng cì-ciă, Ko̤̿, gṳ̀ ciū ko̤̿, hǎng ǔ cì-ciă, Lâ̤, gṳ̀ ciū lâ̤; hǎng uòi gâ̤ nû-gě, Ca̿ iǒ̤ng-dī, gṳ̀ ciū ca̿.
10. Iǎ-Sú tia̿ng-nī iǒ̤ng dī, ciū cèng gǐ-ī, iáu gáing gṳ̀ gâ̤ nêng uā, Uòi ì-cài iáu nì uā, Iǒ̤ng-gǎ̤-sǐ chéng se̿ng, ciū-sī Ì-să̤-liĕ nêng dǐ-bíngm uòi iǎ ēng-nǎing gi̿ng-diō̤.
11. Uòi ǐ iáu nì uā, Dóng-bíng, sái-bíng, hē-lǎi iǔ cèng cāi nêng lâ̤ iáu Ngā-bǎ-là-hǎng, Ì-sǎ, Ngǎ-gǒ̤ câi-câi gōng dǒ̤ cō da̿u tíng gǒ-di̿,
12. Da̿u ŏ̤ nà iǒ̤ng gǒ gâ̤ bă-sia̿ng, dāi ko̤̿ ngṳē-bíng ú-o̤̿ng gâ̤ sù-cài; da̿u ǔ-di̿ iǔ gàu-ngâ chiě-chǐ-di̿ tî-kǔ.
13 Iǎ-Sú iáu bǎ̤-cǒng uā, Nì mǒng chiō̤ ko̤̿, ciāu nì iǒ̤ng-gǎ̤-sǐ se̿ng làu, ciū ŏ̤ ta̿i nì ca̿-chěng. Gṳ̀ gâ̤ nû-gě ǔ-cì dēng ciū hǎu-tiāu.
14. Iǎ-Sú da̿u Bǐ-dǎ̤ chio̤̿-di̿, chū-gi̿ng gṳ̀ diōng-mǔ, cǒ̤ chiáu dǎu-diū.
15. Iǎ-Sú mó̤ gṳ̀ gâ̤ siǔ, chiáu to̿-tiāu; gṳ̀ ciū kǐ lâ̤ te̿-hē Iǎ-Sú.
16 Da̿u o̤̿ng-bíng-ciě iǔ nêng iáu-diū cèng cāi nǎ gṳ̌ mî-diū gâ̤ nêng hā Iǎ-Sú-di̿ lâ̤; Iǎ-Sú lâ̤ uā cì gṳ̿ dī, dāi tiāu gṳ̌, gu̿ í hǎu lǒng-cǒng iǔ bāng gâ̤ nêng.
17 Iǒ̤ng ciū-sī niōng gi̿ng-hāu síng-dí Ì-so̿-ngā tê-chîng uā-gua̿ gâ̤ dī, Gṳ̀ báu-lǎng uòi-huo̿i-nêng gâ̤ kǔ-chǔ, dàng-dó̤ng uòi-huo̿i-nêng gâ̤ bāng.
18 Iǎ-Sú chū-gi̿ng cèng cāi nêng ṳ̌-lṳ̌-diū gṳ̀, ciū gáu-dō hǎ-sáing dǎ dao ǔ-bíng ngāing-di̿ ko̤̿.
19 Iǔ cì-ciă nāng-sṳ́ nêng lâ̤ iáu Iǎ-Sú uā, Síng-Sáing, nì mǎu-lō̤ng ko̤̿ nī-di̿ ko̤̿, uòi dú kǎing gáing nì.
20 Iǎ-Sú uā, Ǔ-lǐ iǔ dōng, ciā-ciě iǔ chě, cǒng-lâ̤ nêng gâ̤ Gṳ̌ing mǎu ka̿u-tê gâ̤ sù-cài.
21 Ǐ iǔ cì-ciă hǎ-sáing iáu Iǎ-Sú uā, Cṳ̌ à, cě̤ng uòi sáing chiō̤ ko̤̿ cō̤ng uòi ga dá.
22 Iǎ-Sú uā, Nì lâ̤ gáing uòiběng-cie̿ sǐ-nêng co̤̿ng gṳ̀ cù-cī gâ̤ sǐ-nêng.
23 Iǎ-Sú iòng ṳ̌ing làu, hǎ-sáing ciū gáing-diū gṳ̀ ko̤̿.
24 Huǒi-dǐ sǎg-bǔ-lěng-děng kǐ cèng dūoi gâ̤ hóng huǒi-lō̤ng nà ṳ̌ing ciá-diū, Iǎ-Sú dō̤-di̿ mì-chǐ.
25 Hǎ-sáing lâ̤ hǎng gṳ̀ chíng-chǎng, uā, Cṳ̌ à, hia̿u uòi, uòi tǎu ě̤ng-sǐ.
26 Iǎ-Sú uā, Nì iǒ̤ng mài chéng se̿ng gâ̤ nêng, ca̿-sū-dī gō̤ giáng nī? Ciū kǐ lâ̤, hǎng-diū hóng iao huǒi, dāi-diū ciū sṳ̌-bī-lī càng-tiāu.
27 Duōi-gá-nêng siǒng iǒ̤ng dī cèng gǐ-ī, gō̤-uā, Gṳ̀ sī sū-mū gǎ̤-sǐ gâ̤ nêng, hóng, iáu huǒi, dú tia̿ng-nī gṳ̀.
28 iáu da̿u ǔ-bíng ngāing làu, ciū-sī Gǎ̤-gǎ̤-sá dī-huó̤ng, pōng-diō̤ liòng-ciǎ nǎ gṳ̌ mî-diū gâ̤ nêng, giǎng dě̤ng-di̿ chṳ̌ lâ̤, cèng hé̤ng, mǎu nêng gǒ̤ng giǎng ǔ diō̤-di̿ gua̿.
29 Nǎ gṳ̌ mî-diū gâ̤ nêng hǎng kǐ lâ̤, gō̤-ua ; Ciōng-Di̿ gâ̤ Gṳ̌ing, Iǎ-Sú, uòi iáu nì sū-mū gúing-niǎ? sî-hē gu̿ ēng-nǎing da̿u, nì sáing lâ̤ hǎng uòi siū kǔ?
30 Dàu-dàu-di̿, iǔ cì-bó̤ng kṳ̌ dō̤-di̿ iè.
31 Gṳ̌ giǔ Iǎ-Sú uā, Nì lâ̤ dāi-tiāu uòi, ciū cě̤ng uòi nì ǔ cì-bó̤ng kṳ̌-di̿ ko̤̿.
32 Iǎ-Sú uā, Ko̤̿, Gṳ̌ ciū giǎng ǔ liōng nêng séng-di̿ chṳ̌-lâ̤, nì ǔ cì-bó̤ng kṳ̌-di̿ ko̤̿. Ǔ cì-bó̤ng kṳ̌ sáng-bǔ-lěng-děng biáu à súing-lè̤ng, diǎu hā huǒi-di̿, ě̤ng-sǐ-tiāu.
33 Sī kṳ̌ ga nêng cě nì sêng-ko̤̿, nà iǒ̤ng duói dī, iáu ú nǎ gṳ̌ mî-diū ga nêng ka̿ing pōng-diō̤ gâ̤ dī, dú gǒ̤ng nǎ nêng tia̿ng-nī.
34 Tóng sêng-dǐ gâ̤ nêng, dú sáing chṳ̌ lâ̤ pōng Iǎ-Sú; chū-gīng gṳ̀, ciū giǔ gṳ̀ ko̤̿, ēng niōng hā iǒ̤ng dī-huó̤ng-di̿ gṳè-diū.
1 Iǎ-Sú ciū iòng ṳ̌ing, gua̿ huǒi, da̿u cù-cī gâ̤ sê̤ng-dǐ.
2 Iǔ giē nêng nà cì-ciă bāng-hóng gâ̤ nêng, dǎu hā pṳē-di̿ gó̤ng hā Iǎ-Sú-di̿ lâ̤; Iǎ-Sú chū-gi̿ng gṳ̀-huo̤̿i-nêng se̿ng gṳ̀, ciū iáu bāng-hóng gâ̤ nêng uā, Gṳ̌ing-ciě, nì mǒng kúing-séng, nì gâ̤ cò sia̿-tiāu làu.
3 Iǔ cì-ciă nāng-sṳ́ nêng bǔ-di̿ gō̤-uā; Iǒ̤ng nêng lūing gǔing cī chéng cī duōi.
4 Iǎ-Sú dǎ̤-dí gu séng-i̿, ciū uā, Nì ca̿-sū-dī séng di̿ siǒng iǒ̤ng ŏ̤ gâ̤ dī.
5 Bǐ-piāng uā, Nì ga cò sia̿-tiāu, ā̤ mā̤, uā, Nì kǐ lâ̤, giǎng, iǒ̤ng liòng-iōng, nī cì-iōng ga̿ing ī uā nī?
6 Giâ-gíng o̿ uì dǎ̤-dí nêng gâ̤ Gṳ̌ing da̿u si̿-gáing iǔ sia̿ cò ga gṳ̌ing-ba̿ng. (Iǎ-Sú ciū iáu bāng-góng gâ̤ nêng uā.) Kǐ lâ̤, dé nì gâ̤ pṳē, giǎng chio̤̿ ko̤̿.
7 Ǔ ciǎ nêng ciū kǐ lâ̤, giǎng chio̤̿ ko̤̿.
8 U cèng cāi nêng chū-gīng, ciū giáng kǐ lâ̤, gṳ́ ě̤ng-iāu nǎ Ciōng-Di̿, éng-ṳē Ciōng-Di̿ nà iǒ̤ng duōi gṳ̌ing-bāng nǎ nêng.
9 Iǎ-Sú giǎng iǒ̤ng-dī dāi-dā̤ ko̤̿, chū-gi̿ng cì-ciă nêng, miâng hǎng Mǎ-tuo̿i cō da̿u sṳe̿-bǒng-di̿, ciū iáu gṳ̀ uā, Nì lâ̤ gáing uòi. Gṳ̀ ciū kǐ lâ̤ gáing Iǎ-Sú ko̤̿.
10 Iǎ-Sú cō da̿u Mǎ-tuo̿i chio̤̿-di̿ iè, iǔ cèng cāi siú-sṳē iáu cò-nêng lâ̤, iáu Iǎ-Sú gìng gṳ̀ gâ̤ hǎ-sáing câi cō dǒ̤.
11 Huǎ-lǐ-so̿ nêng chū-gi̿ng, ciū iáu Iǎ-Sú gâ̤ hǎ-sáing uā, Nì gâ̤ Síng-Sáing ca̿-sū-dī iáu siú-sṳē gìng cò-nêng câi iè nī?
12 Iǎ-Sú tia̿ng-nī-gīng, ciū uā, Ngāing-cǎ gâ̤ nêng ēng niōng í-sáing, iǔ bāng gâ̤ nêng ciū niōng í-sáing.
13 Se̿ng-géng-di̿ uā, Uòi o̿ ta̿i nêng kǒ̤-lǐng gâ̤ dī, ēng o̿ hṳ̿ing-ci̿ gâ̤ dī, nì niōng ko̤̿ siǒng iǒ̤ng cì gṳ̄ dī ga i̿-su̿: éng-ṳē uòi lâ̤, ēng sī hǎng ngī-nêng, sī hǎng cò-nêng.
:14 Iŏ̤ng-cì-sî Iǒ̤-hu̿ing gâ̤ hǎ-sáing lâ̤ gi̿ng Iǎ-Sú, uā, Uòi Huǎ-lī-so̿ nêng chū-chǔ ge̿ng-diū ēng-iè, nì gâ̤ hǎ-sáing dao ēng ge̿ng-diū, iǒ̤ng sī gōng ciōng uā nī?
15 Iǎ-Sú iáu gṳ̀ uā, Iáu séng-lô̤ng uā gé̤ng-hǐ gâ̤ nêng, iǔ séng-lô̤ng iáu gṳ̀ câi cì-dó, gṳ̀ nī-dī ŏ̤ sióng-séng nī? dǎing séng-lô̤ng giǎng gṳ̀ǔ-di̿ nǎ nêng nà ko̤̿, ǔ sî-hē ciū ŏ̤ ge̿ng-diū ēng iè.
16 Mǎu nêng nà séng bio̤̿, biǒ̤ giū gâ̤í-ciông, éng-ṳē nà lâ̤ biǒ̤ ga séng bio̤̿ da̿u ŏ̤ lōng guōi-tiāu giū gâ̤ í-ciông; puôi-tiāu ga̿ing duōi.
17 Iǎ mǎu nêng nà séng ciǔ dó̤ng hā giū pṳê-dō-dī: lâ̤-sī iǒ̤ng-gǎ̤-sǐ ca̿, pṳê-dō ŏ̤ gàu liè-tiāu, ciǔ lē chṳ̌ lâ̤, gìng pṳê-dō dú huōi-tiāu: nêng dú sī nà séng ciǔ dó̤ng hā séng pṳê-dō-dī, liòng iōng ciū dú bǎu-dǎ̤-diū.
18 Iǎ-Sú do̤̿-di̿ uā iǒ̤ng dī ga sî-hē, iǔ cì-ciă gúing lâ̤ ba̿i gṳ̀, uā, Uòi á-niông-gṳ̌ing ka̿ing sǐ-tiāu, lâ̤ niōng nì ko̤̿ nà siǔ ga̿ hā gu séng-di̿, gṳ̀ ciū ŏ̤ sáng kǐ lâ̤.
19 Iǎ-Sú ciū kǐ lâ̤, gáing gṳ̀ ko̤̿, hǎ-sáing iǎ câi ko̤̿.
20 Iǔ ciǎ á-niông-nêng huǎi-lē gâ̤ bāng sí-nī nîng, lâ̤ Iǎ-Sú bù-ciǎ hē-di̿, mó̤ gṳ̀ gâ̤ í-ciông táu.
21 Éng-ṳē gṳ̀ bū-di̿ gō̤-nā, Uòi lâ̤ niōng mó̤ gṳ̀ gâ̤ í-ciông, ciū ŏ̤ hǎu-tiāu.
22 Iǎ-Sú chiá-dṳ̌ing-séng chū ǔ á-niông-nêng, ciū uā, Á-niông-nêng , nì mǒng kúing-séngm nì gâ̤ sēng-séng í hǎu nì làu: ǔ-cì-dēng á-niông-nêng ciū hǎu-tiāu.
23 Iǎ-Sú da̿u ǔ gúing gâ̤ chiō̤, chū-gi̿ng dō̤-di̿ chṳé gǔ-siǔ, gu̿ iǔ cèng cāi nêng cèng nāu-iě lâ̤ gō̤ huáng;
24 Iǎ-Sú ciū uā, Gṳè-kṳél iǒ̤ng á-niông-gṳ̌ing ēng sī sī-tiāu, sī mì-chǐ-diō̤. Duōi-gá-nêng dú sia̿u gṳ̀.
25 Ǔ duói nêng dāi chṳ̌ ko̤̿ làu, Iǎ-Sú ciū dī ko̤, káing-diū á-niông-gṳ̌ing ga siǔ, á-niông-gṳ̌ing ciū kǐ lâ̤.
26 Iǒ̤ng dī da̿u ǔ mǔing-si̿-tī-di̿ cèng iông.
27 Iǎ-Sú giǎng iǒ̤ng-dī dāi-dā̤ ko̤̿, iǔ liòng-ciǎ hǎi-ciě gáing da̿u bò-liē-di̿ hǎng kǐ lâ̤, uā, Duōi-pǐ ga gṳ̌ing-só̤ng, kǒ̤-lǐng uòi.
28 Iǎ-Sú nì chiō̤ làu, hǎi-ciě ciū hā gṳ̀ mīng-chîng-dī lâ̤, Iǎ-Sú iáu gṳ̀ uā, Nì se̿ng uòi iǔ-nǎing-ge̿ ca̿ iǒ̤ng dī, ēng se̿ng? Hǎi-ciě uā, Cṳ̌ à, uòi se̿ng.
29 Iǎ-Sú ciū mó̤ gṳ̀ gâ̤ mì-ciú, uā, Cia̿u nì gâ̤ se̿ng-séng ŏ̤ ta̿i nì ca̿-chěng.
30 Gṳ̀ gâ̤ mì-ciú ciū guáng kǐ lâ̤: Iǎ-Sú chiě-chiě ge̿ng-ga̿i gṳ̀, uā, Nì niōng siǎu-séng, ēng gǒ̤ng nǎ nêng dǎ̤-dí.
31 Ǔ liōng nêng chṳ̌ ko̤̿ da̿u ǔ mǔing-si̿-tī iông Iǎ-Sú gâ̤ miâng-siáng.
32 Gṳ̀ ka̿ing-ka̿ing chṳ̌ ko̤̿ iǔ nêng iáu-diū cì-ciă ǎ-ciě nǎ gṳ̌ mî-diū hā Iǎ-Sú-di̿ lâ̤.
33 Gṳ̌ dāi-tiāu làu, ǎ-ciě ŏ̤ uā dī: duōi-gá-nêng dú cèng gǐ-ī, gō̤-uā, Da̿u Ì-să̤-liĕ nêng dǐ-bíng cù-cě̤ng ēng-nǎing gi̿ng-diō̤ iǒ̤ng-gǎ̤-sǐ gâ̤ dī.
Cǒng-lâ̤ Huǎ-lī-so̿ nêng uā, Gṳ̀ sī ka̿u-diū gṳ̌-uâng dāi-tiāu gṳ̌.
35 Iǎ-Sú ciū ko̤̿ gǒ̤ sêng, gǒ̤ hióng-lǐ, dāu lǐ-ba̿i-dǒ̤ng-di̿ háu nêng, gǒ̤ng tíng gǒ gâ̤ hǎu se̿ng-sǐ, í bă-sia̿ng gǒ̤ iōng gâ̤ bāng-kǔ.
36 Chū-gi̿ng ǔ cèng cāi nêng, ciū kǒ̤-lǐng gṳ̀, éng-ṳē gṳ̀ kǔ-chǔ mǎu báing-bō̤, su̿-siōng cì-bó̤ng iông mǎu nêng ia̿ng ǐ-búing.
37 Iǎ-Sú ciū iáu hǎ-sáing uā, Cǎu ì-cài cǎi, cǎi-cǎu ga nêng siǎu.
38 Gu̿-chu̿ nì niōng giǔ miâu-Cṳ̌ hǎng ca̿-dī nêng chṳ̌ ko̤̿ cāi gṳ̀ gâ̤ cǎu.
1. Iǎ-Sú ciū hǎng sí-nī-ciǎ hǎ-sáing lâ̤, nà gṳ̌ing-ba̿ng nǎ gṳ̀ ŏ̤ dāi-tiāu gṳ̌, í hǎu gǒ̤ iōng gâ̤ bāng-kǔ.
2. Sí-nī-ciǎ sǎ̤-dǔ gâ̤ miâng gi̿ da̿u à-bíng: Tê cì-ciǎ sī Sái-mô̤ng, ǐ hǎng ca̿ Bǐ-dǎ̤, iáu gṳ̀ hiáng-dī Iǒ̤-hu̿ing;
3. Hǐ-lì, Bǎ-dó̤-lô̤-mǎi; Dó̤-mǎ, siú-sṳe̿ gâ̤ Mǎ-uo̿i; Ngā-là̤-hǐ gâ̤ gṳ̌ing Ngǎ-gǒ̤, iáu Duǒi-tuo̿i.
4. Sái-mô̤ng ǐ hǎn ca̿ chiě-séngl gu̿ iǔ māi Iǎ-Sú gâ̤ Gá-liǒ̤ nêng, Iǔ-duōi.
5. Iǎ-Sú hǎng iǒ̤ng sí-niē nêng ko̤̿, gáu-dō gṳ̀, uā, Biē-gǒ-nêng gâ̤ diō̤ nì ēng niōng giǎng, Sǎ-mǎ-lī-ngā nêng gâ̤ sêng-dǐ iǎ ēng niōng di̿ ko̤̿.
6. Ga̿ing niōng ko̤̿ Ì-să̤-liĕ ǔ cì cù mǎu-tiāu gâ̤ iǒ̤ng-di̿ ko̤̿.
7. ko̤̿ gâ̤ sî-hē, gū niōng gǒ̤ng-dàu, gō̤-uā, Tíng gǒ tǎu da̿u.
8. Iǔ bāng gâ̤, ciū ta̿i gṳ̀ í hǎu, iǔ nêng sǐ-tiāu, ciū hiāu gṳ̀ sáng kǐ lâ̤, bāng tuǒi gâ̤, ciū nà gṳ̀ lōng lâi-lī, iǎ niōng dāi-tiāu gṳ̌, nì bā-bā-dī dǎ̤ lâ̤ gâ̤, iǎ niōng bā-bā-dī bṳ́ing nǎ nêng.
9. nì iáu-duo̿i-di̿ ēng niōng ga̿ géngm ngê̤ng, iáu dǒng cîng.
10. Giǎng diō̤ ēng niōng duo̿i iè-sī-dō, ēng niōng duo̿i liòng séng í-ciông, ēng niōng dúoi ǎi iáu tiōng-ciě: éng-ṳē ca̿-dī nêng dǎ̤-diō̤ mî-dī iè, sī e̿ng-gái gâ̤.
11. Nì mǎu-lō̤ng da̿u nī cì sêng, nī cì hióng, niōng cǎ-mōng ǔ-di̿ sū nêng sī hǎu nêng; ciū hā gṳ̀ gâ̤ chio̤̿-di̿ gṳè-diū cì-dā̤ da̿u ko̤̿ gâ̤ sî-he.
12. Nì nêng gâ̤ chio̤̿, ciū ta̿i gṳ̀ giǔ běng-úing.
13 Iǒ̤ng chio̤̿ lâ̤ e̿ng-gái dǎ̤, ciū nǎ nì giǔ gâ̤ běng-úing da̿u gṳ̀ ǔ-di̿, lâ̤ ēng e̿ng-gái dǎ̤, ciū nǎ nì giǔ gâ̤ běng-úing gṳ́ nì cù-cī.
14 Mǎu-lō̤ng sū-mū nêng ēng ciě-duòi nì, ēng tia̿ng-nī nì gâ̤ dī, nì chṳ̌ ǔ chiō̤, iáu ǔ sêng gâ̤ sî-hē, ciū, niōng pǐng-tiāu nì káu-di̿ gâ̤ dêng-hó.
15 Uòi ì-cài iáu nì uā, Da̿u lò̤ sěng si̿-gáing nêng gâ̤ nì-ciě, Sǔ-dó̤-mǎ, Ngǒ̤-mǒ̤-là siu gâ̤ hěng-huǎ, piāng ǔ sêng siū gâ̤ hěng-huǎ gu̿ kiáng.
16 Uòi hǎng nì ko̤̿, su̿-siōng iông iáu cǎi-lǒ̤ng mà bó̤ng: gu̿-chu̿ nì niōng chóng-měng su̿-siōng ṳê, lǎu-sǐ su̿-siōng bà-gǒ̤.
17 Lâ̤ niōng bǒ̤ng-bī nêng: éng-ṳē gṳ̀o nà nì gáu nǎ góng-hō, da̿u lǐ-ba̿i-dǒ̤ng nà bíng mà nì.
18 Éng-ṳē uòi gâ̤ dī, nì gu̿ ŏ̤ nǎ nêng so̿ng da̿u uǎng-di̿, cǒng-dǔ, mīng-chîng, ca̿ gúing-ce̿ng nǎ gṳ̀ iáu biē-gǒ-nêng dǎ̤-dí.
19 Nêng nà nì gáu ko̤̿ gâ̤ sî-hē, ēng niōng huáng-iě dǐ niōng gōng-ciōng-iōng uā: da̿u ǔ sî-hē cǒng ŏ̤ nǎ nì dǎ̤-dí niōng gōng-ciōng-iōng uā.
24:1. Iǎ-sú giǎng dāing-di̿ chṳ̆ lâ̤, dō̤-di̿ giǎng gâ̤ sî-hē; hǎ-sáing giǎng-ce̿ng lâ̤, nà dāing-di̿ gâ̤ gáing-ga̿ bǐ nǎ Iǎ-sú chū.
24:2. Iǎ-sú ciū uā, nì chū-gi̿ng dāing-di̿ iŏ̤ng duói mî-dī, uòi ì-cài iáu nì uā, Hē-lǎi mài diōng-diū cì-tī ciō̤ lō̤ da̿u ciō̤ ciōng-bíng dú ŏ̤ bǎing-tiāu.
24:3. Iǎ-sú da̿u gāng-lǎng-súing-di̿ cō-diū, hǎ-sáing càng-càng-di̿ lâ̤ mōng gṳ̀ uā, nì iáu uòi uā, iŏ̤ng-dī sū-mū sî-hē ŏ̤ da̿u? nì cuo̿i lâ̤ gâ̤ sî-hē iáu si̿-gáing gâ̤ sṳē-mṳě sáing iǔ sū-mū diàu-tê?
24:4. Iǎ-sú a̿ing gṳ̀ uā, nì niōng siǎu-séng mo̿ nǎ nêng pi̿ng.
24:5. Éng-ṳē cèng cāi nêng ŏ̤ lâ̤ māu-nēng uòi gâ̤ miâng cù-cī uā, Uòi sī Gí-dǔ, pi̿ng cèng cāi nêng ko̤̿.
24:6. Nì hē-lǎi ŏ̤ tia̿ng-nī-gi̿ng mà-dio̿ng iáu mà-dio̿ng gâ̤ se̿ng-sǐ niōng siǎu-séng, ēng niōng giáng.iŏ̤ng-dī cǒng sī iǔ gâ̤, lâ̤-sī si̿-gáing gâ̤ sṳē-mṳě gu̿ ēng-giâng-dǎ̤.
24:7. Éng-ṳē iŏ̤ng-di̿ gâ̤ bǎ-sia̿ng ŏ̤ mà ǔ-di̿ gâ̤ bǎ-sia̿ng, iŏ̤ng cì gǒ ŏ̤ mà ǔ cì gǒ: gu̿ ŏ̤ mà gí-huáng, buǒi-ó̤ng, diá à ŏ̤ dòng kǐ lâ̤, mǔing-si̿-tī dú iǔ.
24:8. Iŏ̤ng dú sī duōi cuói-nūing gâ̤ kǐ-tê.
24:9. Ŭ sî-hē nêng ŏ̤ gáu nì ko̤̿ siū kūing iǎ ŏ̤ huōi-sǐ nì: nì éng-ṳē uòi gâ̤ miâng gu̿ ŏ̤ nǎ tóng-tíng-à gâ̤ bǎ-sia̿ng hāing.
24:10. Ŭ sî-hē cèng cāi gǎ nêng ŏ̤ uā sī huōi gṳ̀ iǔ gua̿-ngāi gṳ̀ so̿ng nì ko̤̿ gúing, nì so̿ng gṳ̀ ko̤̿ gúing; nì hāing gṳ̀, gṳ̀ hāing nì.
24:11. Iǎ iǔ cèng cāi gǎ síng-dí ŏ̤ chṳ̆ lâ̤, nà cèng cāi nêng pi̿ng ko̤̿-tiāu.
24:12. Éng-ṳē cò-ŏ̤ ga̿ing cāi kǐ lâ̤, cì duōi bu̿ing nêng gâ̤ o̿-séng ŏ̤ māing-māing-di̿ bi̿ng-tiāu.
24:13. Cǒng-lâ̤ cì-bǐ-dā̤ da̿u sṳē-mṳě dú géng-dǎ̤ mô̤-nāi, iŏ̤ng nêng ciū ŏ̤ dǎ̤ giù.
24:14. Tíng-gǒ iŏ̤ng hǎu gâ̤ se̿ng-sǐ cǒng ŏ̤ sáing dṳ̆ing da̿u tóng-tíng-à ca̿ gúing-ce̿ng nǎ tóng-tíng-à gâ̤ bǎ-sia̿ng dǎ̤-dí, da̿u ǔ sî-hē si̿-gáing gâ̤ sṳē-mṳě ciū ŏ̤ da̿u.
24:15. Nì chū-gi̿ng síng-dí Dàng-ì-lǐ tê-chîng uā-gua̿ ǔ ciǎ kŏ̤-ŏ̤, huōi nì gǒ bi̿ng ca̿ huáng-biâng gâ̤ mî-dī gṳè da̿u se̿ng gâ̤ sù-cài, (nāng iŏ̤ng cì gṳ̿ sṳ́ gâ̤ nêng niōng měng-bà̤ :)
24:16. Ŭ sî-hē da̿u iǔ-tuo̿i-di̿ diū gâ̤ nêng niōng cě hā súing-di̿ ko̤̿:
24:17. Nêng da̿u chio̤̿ ciōng-bíng ēng niōng à lâ̤ nà chio̤̿-di̿ gâ̤ mî-dī:
24:18. Nêng da̿u châing-di̿ ēng niōng chio̤̿-ko̤̿ nà í-ciông.
24:19. Da̿u ǔ nì-ciě iǔ-séng gâ̤ á-niông-nêng iáu liàng gṳ̆ing-ciě gâ̤ á-niông-nêng cèng kŏ̤-lǐng!
24:20. Nì niōng gǐ-dǎu sǎng-dǎ̤ nì cě gâ̤ sî-hē hō̤-diō̤ dóng-tíng, iáu úing-sǐ-nì:
24:21. Éng-ṳē ǔ sî-hē iǔ duōi cuói-nūing, giǎng kṳé-tíng bī-dī da̿u giâ-gíng dú mǎu iŏ̤ng-gǎ̤-sǐ gâ̤ cuói-nūing, hē-lǎi iǎ mǎu.
24:22. Lâ̤-sī ǔ nì-ciě ēng gǎng-tiāu mī-cie̿, ciū mǎu ciǎ nêng ŏ̤ dǎ̤ giù: éng-ṳē ǔ tǐ chṳ̆ lâ̤ gâ̤ bǎ-sia̿ng ǔ nì-ciě ciū ŏ̤ gǎng-tiāu mī-cie̿.
24:23. Ŭ sî-hē lâ̤ iǔ nêng iáu nì uā, Gí-dǔ da̿u iŏ̤ng-di̿, Gí-dǔ da̿u ǔ-di̿: nì ēng niōng-se̿ng.
24:24. Éng-ṳē ǔ gǎ Gí-dǔ, gǎ síng-dí ŏ̤ chṳ̆ lâ̤ hǐng duōi sěng-tóng cèng hí-gǐ gâ̤ dī: ciū-sī iǔ-nǎing-ge̿ pi̿ng ǔ tǐ chṳ̆ lâ̤ gâ̤ bǎ-sia̿ng iǎ ŏ̤ nǎ gṳ̀ pi̿ng ko̤̿.
24:25. Iŏ̤ng dī, giâ-gíng uòi sáing iáu nì uā.
24:26. Lâ̤ iǔ nêng iáu nì uā, Gí-dǔ da̿u ko̿ng-iǎ gâ̤ sù-cài; nì ēng niōng chṳ̆ ko̤̿; ǐ uā, Gí-dǔ da̿u mà̤-sǎ̤ gâ̤ chio̤̿-gáing; nì ēng niōng se̿ng.
24:27. Ciū su̿-siōng iāng-dáu giǎng dóng-bíng iāng kǐ, iāng da̿u sái-bíng; nêng gâ̤ Gṳ̆ing cuo̿i lâ̤ iǎ ŏ̤ iŏ̤ng-gǎ̤-sǐ.
24:28. Séng-chí mǎu-lō̤ng da̿u nī-di̿, iāu-éng iǎ ŏ̤ cṳ̀ da̿u nī-di̿.
24:29. Iŏ̤ng cuói-nūing cì gua̿-tiāu, mì-tê ciū ŏ̤ ú-o̤̿ng-tiāu, ngṳè iǎ mài guáng, sáing-siu̿ giǎng tíng ciōng lò̤ à lâ̤, ciū-sī tíng ciōng iǔ duōi cǒ-nǎing gâ̤ mî-dī iǎ ŏ̤ iâu-dòng kǐ lâ̤:
24:30. Ŭ sî-hē nêng gâ̤ gṳ̆ing gâ̤ diàu-tê ŏ̤ chṳ̆-hīng da̿u tíng cio̿ng: si̿-gáing gŏ̤ sia̿ng gâ̤ nêng dú ŏ̤ sióng-séng tî-kǔ, iǎ ŏ̤ chū-gi̿ng nêng gâ̤ gṳ̆ing iǔ duōi gṳ̆ing-ba̿ng duōi ĕ̤ng-iāu cō da̿u tíng ciōng gâ̤ ĕ̤ng-di̿ lâ̤.
24:31. Gṳ̀ ŏ̤ hǎng gṳ̀ sǎ̤-chṳ̿ gâ̤ chṳ̆ ko̤̿, chṳé hāu-dông, siáng-éng cèng duōi, nà tǐ chṳ̆ lâ̤ gâ̤ bǎ-sia̿ng giǎng dóng sái nâng bǎ̤ gâ̤, giǎng tíng iŏ̤ng cì bíng da̿u tíng ǔ cì bíng, dú iáu lâ̤ ca̿ cì-dó.
24:32. Nì niōng siǒng mǎu-huá-guǎ chiū bǐ-piān gâ̤ dī; chiū-kiá buǒi-chŏ̤ng, dō̤-di̿ sáng-niò̤ gâ̤ sî-hē, nì ciū dǎ̤-dí hā-tíng tǎu da̿u.
24:33. Iŏ̤ng-gǎ̤-sǐ nì chū-gi̿ng iŏ̤ng duói di̿, iǎ niōng dǎ̤-dí nêng gâ̤ gṳ̆ing tǎu da̿u, ciū da̿u mô̤ng-tê-di̿.
24:34. Uòi ì-cài iáu nì uā, iŏ̤ng cì-si̿ gâ̤ nêng gu̿ ēng-nǎing gua̿-tiāu, iŏ̤ng duói dī dú ŏ̤ gi̿ng-gua̿.
24:35. Tíng dī ŏ̤ hi̿-tiāu, uòi uā gâ̤ dī cǒng mài hi̿-tiāu.
24:36. Lâ̤-sī ǔ nì-ciě, ǔ sî-hē mǎu ciǎ nêng dǎ̤-dí, ciū-sū sǎ̤-chṳ̿ gâ̤ iǎ ēng dǎ̤-dí, Gṳ̆ing iǎ ēng dǎ̤-dí, cǒng-lâ̤ dǎ̤-dí.
24:37. Nêng gâ̤ Gṳ̆ing cuo̿i lâ̤ su̿-siōng Nŏ̤-ngā gâ̤ nì-ciě.
24:38. Éng-ṳē duōi-sṳ̆ ēng-nǎing da̿u, ǔ-cì-sî nêng dú sī iè lò̤, chṳě lò̤, chiǔ-chéng hó̤ng-ha̿, cì-dā̤ da̿u Nŏ̤-ngā nì si̿-gǔ ṳ̆ing gâ̤ nì-ciě.
24:39. Nêng gu̿ ēng dǎ̤-dí da̿u duōi-sṳ̆ sáng-bǔ-lěng-děng lâ̤, nà gṳ̀ dú lâu ko̤̿-tiāu: nêng gâ̤ Gṳ̆ing cuo̿i lâ̤ iǎ ŏ̤ iŏ̤ng-gǎ̤-sǐ.
24:40. Ŭ sî-hē iǔ liōng nêng da̿u châing-di̿, siú ko̤̿ cì-ciǎ, diōng-diū cì-ciǎ.
24:41. Iǔ liòng-ciǎ á-niông-nêng câi-câi mō̤ mî-dī, siú ko̤̿ cì-ciǎ, diōng-diū cì-ciǎ.
24:42. Gu̿-chu̿ nì niōng chíng-chǎng, éng-ṳē ēng dǎ̤-dí nì gâ̤ Cṳ̆ nī cì góng ŏ̤ da̿u.
24:43. Gá-cṳ̆ lâ̤ sáing dǎ̤-dí nī cì gáng iǔ chā̤ lâ̤; cǒng ŏ̤ chíng-chǎng, mài nǎ chā̤ mà-dōng nì gṳ̀ chio̤̿-di̿ lâ̤; iŏ̤ng sī nì dǎ̤-dí gâ̤.
24:44. Gu̿-chu̿ nì iǎ niōng ṳ̄-bī hǎu: éng-ṳē nì siǒng ēng diō̤ gâ̤ sî-hē nêng gâ̤ Gṳ̆ṳ̆ng ciū lâ̤.
24:45. Sū-mū nêng sī sī dé̤ng-séng ǐ chóng-měng gâ̤ nû-gě, gá-cṳ̆ pa̿i gṳ̀ gǔing chio̤̿-di̿ gâ̤ nû-gě, cia̿u-diū sî-hē bṳ́ing mî-dī nǎ gṳ̀ iè.
24:46. Cṳ̆-nêng chio̤̿ lâ̤ chū-gi̿ng gṳ̀ iŏ̤ng-gǎ̤-sǐ ca̿, ǔ ciǎ nû-gě ciū iǔ hǔ-ki̿.
24:47. Uòi ì-cài iáu nì uā, cṳ̆-nêng ŏ̤ nà gṳ̀ lǒng-cǒng iǔ gâ̤ mî-dī dú pa̿i ǔ ciǎ nû-gě gǔing-lǐ.
24:48. Lâ̤-sī ǔ ciǎ làing gâ̤ nû-gě séng-di̿ gō̤-uā, uòi cṳ̆-nêng cì-hā mài lâ̤.
24:49. Iŏ̤ng-cì-sî ciū mà gṳ̀ gōng bó̤ng gâ̤ nû-gě, iáu iè-ciǔ-cṳ̆ gâ̤ nêng câi iè.
24:50. Da̿u gṳ̀ siǒng ēng diō̤ gâ̤ nì-ciě, ēng dǎ̤-dí gâ̤ sî-hē, ǔ nû-gě gâ̤ cṳ̌-nêng ciū lâ̤,
24:51. Giǎng iŏ̤ng cì-bó̤ng nû-gě-di̿ nà gṳ̀ dāi-tiāu, hǎng gṳ̀ ko̤̿ iáu gǎ-hǎu gâ̤ nêng câi-câi siū hěng : da̿u ǔ-di̿ iǔ gàu-ngâ chiě-chǐ-di̿ tî-kǔ.